Revival in Vancouver

我好少講嗰一次嘅經歷；講真，我仍然唔係好清楚發生咩事。話說，五年前有一晚，high school同學邀請我去佢個church。去咗，個感覺好奇怪，因為睇落去成個聚會都好靈恩，牧師(Henry Hinn)除咗講道外，亦在所有面前醫病。坐我前三排有個太太，牧師離遠都知佢身體有啲事，幫佢祈完禱佢就向後fall back。對大驚小怪嘅我嚟講，簡直係異像。同一晚，牧師亦講咗一個預言：2010年溫哥華會復興！

自此，我一路都好期待2010年嘅降臨，睇呢個預言是否變成事實。由零九起，使者採用 復修復和復興 為年題，我已有少少意外；但早咗一年，可能係咁kiu ！

到10年，本來都覺得冇乜嘢。原來，我正身處於復興中卻懵然不知。CCF 從平均十六人升至廿六人，而當大家都擔心緊CCF未來會缺乏職員時，竟然recruit到多五個，近年來最大陣型嘅ST，CCF仍然活著，薪火相傳！

神 要在我哋嘅城市做嘢，又點會咁少呢！一跳就跳到九月尾嘅ACM嫩愛佈道會！唔單只見到有人因著見證感動而信主；亦更多人為回應神嘅愛而選擇全時間奉獻，一 生跟隨神。嗰下唔到你唔感動！我哋溫哥華係富裕、係繁榮，但卻係充滿罪惡；溫哥華係多基督徒、係多人才，但願意付出的卻很少。熟透嘅莊稼就已經在面前，你 會唔會係其中一個收取嘅工人呢？

估唔到嘅係，呢個topic幾個月裡面不停再我身邊兜圈。除咗叫我唔好再歲月蹉跎外，要被send out！要肩擔使命！有使者嘅＜獻身後＞sharing group，互勉勵與支持同行者。有CRY事工，我哋年青人要出番力，興起校園，興起教會！不可叫人少看你年輕，出發啦！一齊打呢場屬靈戰爭！ 直到今晚嘅1040 screening，讓我唔能夠再deny，神在溫哥華，唔同嘅culture、背景、國藉都要聯盟，同樣都知道耶穌基督為我們而死。 We unite because He loves us! We proclaim, we worship, we love because He loves us! ARISE! SHINE!!

RISE to be the Army of GOD!

Who's with me?!

-我在這裡，請差遣我！-